መእተዊ ሞዴል ዝርርብ (መዋእለ ህጻናት)

እቲ ናይ ዝርርብ ሞዴል ኣብ መጽናዕትን ተመኩሮን ዝተመርኮሰ ሞዴል ኮይኑ፡ ብመጽናዕታዊ ፕሮጀክት “ምሉእ ቆልዓ፡ ምሉእ ኮርስ – ምጽራፍ ኣብ መዋእለ ህጻናት” ዝተዳለወ እዩ። እቲ መጽናዕቲ ኣብ መዋእለ ህጻናት ምጽራፍ ከምዘሎን፡ ምጽራፍ ኣብ ዝፍጠረሉ እዋን ወለድን ሰራሕተኛታትን ዝተሓባበሩሉ ኣገባብ ንጽቡቕ ሂወትን ምዕባለን እቶም ህጻናት ወሳኒ ምዃኑን ብንጹር ኣረጋጊጹ። እቲ ንመዋእለ ህጻናት ዝምልከት ማዕቀፍ ውጥን፡ ጽቡቕ ምትሕብባር ወለድን ጽቡቕ ዘተን እውን ኣገዳስነቱ የጉልሕ።

እቲ ሞዴል ፍልጠት ብምሕያልን ኣብ መንጎ ወለድን ሰራሕተኛታትን ዘሎ ትፅቢት ብምንፃርን ከምኡ እውን ፅሬት ምትሕብባር ብምምሕያሽን ምድራፍ ንምክልኻል ዝዓለመ እዩ። ንኣጠቓቕማኡ ቀሊልን ንመዋእለ ህጻናት ኣንጻር ምጽራፍ ኣብ ዝገብርዎ ስራሕ ጠቓሚ መሳርሒ ክኸውን ይግባእ። እቲ ሞዴል ምስ ሰራሕተኛታት፡ ወለድን ተመራመርትን ደቡባዊ ኖርወይ ብምትሕብባር ዝተዳለወ ኮይኑ፡ ካብ ሓያሎ መዋእለ ህጻናት ብዝተረኸበ ተመኩሮታት ተመርኲሱ ተፈቲኑን ተስተኻኺሉን እዩ።

ኣብዚ ኮርስ እዚ፡ ሕጊ ብዛዕባ ምጽራፍ እንታይ ከም ዝብል፡ እቲ ናይ ዝርርብ ሞዴል እንታይ ምዃኑ፡ ከምኡ’ውን ነቲ ናይ ዝርርብ ኣኼባ ብኸመይ ከተዳልዎ፡ ከተካይዶን ክትከታተሎን ከም እትኽእል መእተዊ ክንህበኩም ኢና።